Argjentinasi Jorge Rodriguez, 69 vjeç, është babai i partneres së Ronaldos, Georgina, 23-vjeçe. Ai ishte i dënuar në tri burgje në Spanjë për dy vepra të trafikimit të drogës.
Rodriguez, një ish-futbollist i lindur në Buenos Aires, u burgos në vitin 2003 dhe u lirua në vitin 2013 pas marrjes së dënimit prej 10 vjetësh, megjithëse ai ishte në burg shtëpiak dhe jo gjithnjë prapa hekurave, shkruan DailyMail.
Ky zbulim për vjehrrin e tij vjen pasi Ronaldo po përballet me një hetim të ri të policisë amerikane për një përdhunim të supozuar në Las Vegas në vitin 2009, të cilin ai e mohon fuqishëm. Futbollisti e ka cilësuar kërkesën si lajm të rremë.
Jorge mendohet të jetë larguar nga vendi dhe i është ndaluar të kthehet në Spanjë pas përfundimit të dënimit të tij në gusht të vitit 2013.
Jorge Rodriguez, babai i Georgina Rodriguezit
Ai aktualisht është në Argjentinë dhe thotë se është i sëmurë rëndë dhe po kujdeset nga një i afërm, i cili kuptohet se merr para nga Georgina dhe motra e saj më e vjetër, Ivana, që i dërgon ato.
Jorge, i cili e takoi nënën e Georginas pasi u shpërngul në Spanjë në vitin 1980, u shpall fajtor për trafikim me kokainë dhe rrëshirë të kanabisit në gjykime të veçanta në një gjykatë speciale në Madrid, të quajtur “Audiencia Nacionale”.
Gjykatësit kanë të bëjnë me ekstradimet e kriminelëve britanikë dhe gjithashtu kanë provuar disa prej terroristëve më të rrezikshëm të Spanjës, duke përfshirë edhe burrat përgjegjës për shpërthimet e trenave të Madridit në vitin 2004, të cilat vranë 193 persona dhe plagosën rreth 2,000.
Cristiano Ronaldo dhe Georgina Rodriguez
Dënimi i tij ndaj trafikimit të kokainës, i paraqitur në një dokument prej 18 faqesh të datës 28 korrik 2003, tregon se si ai kreu një përpjekje të dështuar për të kontrabanduar kokainë në vlerë 100 mijë funte, nga Spanja në Francë duke përdorur një strehë ku ishte fshehur nga urdhërarrestat e pazgjidhura.
Dy bashkëpunëtorë u ndaluan nga policia pranë Madridit më 26 janar 1999, ata u drejtuan drejt qytetit francez, Nicës, për t’i dhënë drogë një anije të quajtur “Espaguetti” – “Spaghetti” në anglisht.
Prokurorët e donin atë të burgosur për 13 vjet e gjysmë, por tre gjyqtarët e gjykimit vendosën një dënim prej 11 vjetësh dhe 120,000 euro gjobë, duke vendosur që ai duhej t’i kishte kryer ‘detyrat koordinuese’.
Georgina Rodriguez
Cristiano Ronaldo, 33 vjeç, e takoi për herë të parë Georginën në një dyqan “Gucci” në Madrid. Ajo u bë e dashura e tij e parë serioze, që pas dhënies fund lidhjes me bukuroshen ruse, Irina Shayk, në fillim të vitit 2015.
Ata po rrisin vajzën e tyre Alana Martina dhe tre fëmijët e tjerë të futbollistit.
