Një qytetar dyshohet se është qëlluar mbrëmë me armë nga policia por policia nuk e ka raportuar ngjarjen. Deputeti i PD, Ervin Salianji, ka publikuar një video në Facebook, ku shfaqet një qytetar i shtrirë në krevatin e spitalit dhe pretendon se është plagosur me armë zjarri ka policia.
Ai quhet Sidian Tabaku dhe pasi policia e ka plagosur, ka ushtruar dhune fizike ndaj tij, por nuk specifikon arsyet.
Deputeti i PD shprehet se qytetari ndodhet në spital nën masa të rrepta sigurie nga policia e cila po përpiqet të fshehë ngjarjen.
Postimi I Salianjit:
Mbrëmē policia e shtetit ka gjuajtur me armë dhe ka plagosur qytetarin Sidian Tabaku, pasi e ka plagosur ka ushtruar dhune fizike. I plagosuri ndodhet ne spitan ne shtetrrethim qe policia te fshehë ngjarjen. As familjaret dhe askush nuk lehohet te takoje qytetarin.
Ministria e Brendshme duhet te marre masat per te bere transparence per ngjarjen dhe te kujdeset per shendetin e te demtuarit. Çfaredo lloj dhune dhe kercenimi ti bejnë ky nuk do te jete nje Xhisiela 2!
https://www.facebook.com/salianjiervin/videos/267233540588220/
