Fill pas deklaratës së Rexhep Rrajës sot në mëngjes pas vendimit për të qëndruar në burg ku tha se Basha ta provojë në zgjedhje ka reaguar deputeti I PD-së Oerd Bylykbashi. Ai e konsideron Rexhepin zëdhënës të PS-së për zgjedhjet.
‘PS e paska gjetur konsensusin per reformen zgjedhore. PS deklaron sot se do te beje propozimet e saj te njeanshme per Kodin zgjedhor. Arsyeja eshte shume e thjeshte: po sot, nen pranga per dhunimin e nje vajze te pafajshme, i biri i Rrahman Rrahjes kercenon opoziten: do ta shihni ne zgjedhje.
Zedhenes dhe prove me te mire te paktit te PS me krimin per te dhunuar zgjedhjet nuk ka! Kjo eshte reforma qe propozon PS!’, deklaron Bylykbashi.
Më herët djali i deputetit Rrahman Rraja, Rexhepi ka folur në dalje të gjykatës së Krujës pasi ka marrë masën e arrestit.
Teksa po futej brenda në furgon me duar të prangosura, Rexhep Rraja është pyetur nga gazetarët, nëse ka diçka për të thënë dhe ai është përgjigjur: “Lulzim Basha le ta provojë në votime“. Kështu ka deklaruar 25 vjeçari, duke u bërë në të njëjtën kohë i përndjekur dhe dhunues i Xhisielës, po aq edhe socialist dhe Rilindas.
Ne foto, gazetari Arsen Rusta duke bere pyetjen per Rexhepin
Gjyqtarja e gjykatës së Krujës, Enkelejda Hoxha dha masën e sigurisë “arrest me burg” për djalin e deputetit i cili akuzohet për ‘përndjekje”. Kjo masë u kërkua dhe nga prokurorja Mirela Kapo.
