Moti është çmendur në Greqi. Mediat shkruajnë se pemët më të fuqishme goditën linjat energjetike dhe shkaktuan ndërprerje në pjesë të Athinës si pasojë e stuhive të fuqishme gjithë Greqinë jugore.
Shkollat në kryeqytetin grek dhe disa pjesë të tjera të vendit u mbyllën të premten dhe shërbimet e mbrojtjes civile priten të jenë në gatishmëri gjatë fundjavës. Era pritet të arrijë deri në 100 km / h.
Cikloni “Ksenofon” solli mot të keq në shumë zona të vendit, me erëra të fuqishme deri edhe reshje bore, ndërsa cikloni i dytë mesdhetar i quajtur “Zorba” ka shkaktuar alarm në të gjithë Greqinë.
Disa shërbime të trageteve nga portet pranë Athinës rifilluan të premten pasi ndaluan punën dy ditë më parë për shkak të ciklonit.
Ndërsa kushtet e këqija të motit gjithashtu shkaktuan vonesa në fluturim. Shërbimi kombëtar i motit EMY tha se kushtet priten të përkeqësohen të premten, duke ndikuar në ishullin e Kretës, ishujt Cikladë dhe pjesët jugore dhe perëndimore.
SHQIPËRIA DHE SITUATA E MOTIT
Në një lidhje telefonike për ‘News24’ meteorologia Tanja Porja tha se vendi ynë nuk rrezikohet nga kjo stuhi e fuqishme.
Ajo theksoi se të vetmen gjë që Shqipëri do të hasë do të jenë erërat e forta. Po ashtu meteorologia tha se vendi ynë do të përfshihet nga reshje shiu ditën e martë, kryesisht zona jugore dhe ajo qendrore.
