Operacioni i policisë italiane”Rosa dei venti”, arriti të finalizohej me sukses duke marrë indicien nga tatuazhet që kishte në dorë dhe qafë shqiptari Dranoel Ndoja, i cili thuhet se është i dyshuari kryesor i grupit.
Një operacion i madh në Itali ka bërë të mundur ndalimin e një grupi që merrej me trafikimin e drogës.
Bilanci ka qënë tre të arrestuar, dy të denoncuar, 11 në kërkim si dhe 30 të tjerë nën vëzhgim.
Aksioni policor i ushtruar dje nga policia italiane ne Macerata, sekuestroi 4 kg drogë, mes tyre hashash, marijuanë, dhe kokainë.
Hetimet për këtë grup kriminal nisën në 2017, duke përdorur përgjimet telefonike dhe monitorim me sistemin GPS.
Pas disa muajsh hetimesh, përveç Ndojas u arrestuan edhe dy shtetas të tjerë, Carlo Raimondi dhe Michal Radejovsky.
