Ishte shpallur në kërkim për vjedhje dhe vetëm ditën e sotme një 50 vjeçar është vënë në prangat e policisë.
Në pranga ka rënë Adriatik Kanushi, banues në fshatin “Arshi Lengo”, pasi rezulton i dënuar me 11 vite burg për nje grabitje të kryer me armë në vitin 1999.
Njoftimi i policisë në vijim thotë:
“Ndalimi i Adriatik Kanushit u bë pasi Gjykata e Shkallës së Parë Gjirokastër me vendim nr.204, datë 13.07.2009 e ka dënuar me 11 vjet burgim për veprën penale ‘Vjedhja me armë’ parashikuar nga neni 140 i Kodit Penal,”.
Më datë 20.02.1999, nën kërcënimin e armës ai i’u ka vjedhur një sasi lekësh shtetasve me iniciale L.B., F.B., dhe M.I., të tre banues në Përmet.
