Gazetari investigativ Artan Hoxha vazhdon të bëjë deklarata të forta për bandat kriminale ku disa ditë më parë tha se përveç bandës së Bajrit, ka edhe një familje tjetër rivale, pjesë e botës së krimit.
Gazetari nuk përmendi emra por e gjithë deklarata iu drejtua familjes Liçi e cila humbi një prej anëtarëve të saj muaj më parë, Fatbardh Liçin.
Mustaf Liçi i cili mban edhe postin e këshilltarit në Bashkinë e Shkodrës i është përgjigjur Hoxhës duke e akuzuar si gazetar të krimit.
“Ky person i inkriminuar ka ringjallur dhe mundohet të hapë panik mes fiseve e qytetarëve të Shkodrës.
Gazetari i krimit i cili ka vendosur të rrisë fëmijët me paratë e krimit dhe me bukë haram, nuk mundet 6 vrasjet e Shkodrës t’i atribuojë si vrasje bandash e të krahasojë modelet. Të gjithë të vrarët në qytetin tim, i njohin kriminelët dhe i dinë kush janë.
Shkodranët janë të zgjuar. Familja Lici ka marrëdhenie të shkëlqyera me familjet e viktimave të qytetit. Artan Hoxha, është në shërbim të krimit të organizuar të familjes Bajri”, tha Lici para kamerave.
Video e plotë:
https://youtu.be/rkLbWcu1LmQ
