Agjencia e SHBA për Mbrojtjen e Doganave dhe Kufijve njoftuan se seksionet e reja të murit në kufi, filluan të ndërtohen në El Paso, Texas, duke filluar nga e shtuna, më 22 shtator.
Muri është kërkuar nga presidenti amerikan Donald Trump, për të ndaluar emigracionin e paautorizuar që për të do të thotë kërcënim i sigurisë.
Muri prej çelik do të zëvendësojë rrethimin në zonë. Një pjesë prej rreth katër milje e lidhjes së zinxhirit dhe gardhit metalik vetëm në perëndim të një stacioni kufitar do të zëvendësohet me një mur të gjatë prej 18 këmbësh.
“Ky mur i ri do të jetë shumë më i qëndrueshëm dhe shumë më efektiv në parandalimin e hyrjes së paligjshme”, tha Shefi i Patrullës Aaron A. Hull.
Sipas Fox 5, projekti i ndërtimit prej 4 miljesh pritet të përfundojë në fund të prillit 2019. Kostoja e vlerësuar për këtë projekt është 22 milionë dollarë.
Autoritetet federale thonë se dhe pse Sektori El Paso ka filluar ndërtimet, aty vazhdon të ketë një numër të madh të kapërcimeve të paligjshme të të huajve dhe kontrabandës së drogës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
