Ashtu siç ishte parashikuar prej ditësh, sot pritet të ulen në mënyrë të theksuar temperaturat në të gjithë vendin.
Duke iu referuar Meteoalb, temperaturat ulen ndjeshëm që prej mbrëmjes së sotme, madje në disa vende temperaturat do të zbresin në 0 gradë celsius.
Temperaturat do të ulen në mënyrë të theksuar gjatë mbrëmjes së të hënës dhe vijojnë të martë, të mërkurë dhe të enjte ku në zona të thella malore ato do të zbresin edhe në 0 gradë C.
Shpejtësitë maksimale të erës, në zona të veçanta do arrijnë mbi 80 km/h; kryesisht në Veriperëndim dhe luginën e lumit Drin.
Ndërkohë pritet që temperaturat të pësojnë rritje të lehtë ditën e premte.
