Ende vazhdojnë lëvizjet në tregun mediatik.
Pas largimit të Ilva Tares nga posti i drejtoreshës së informacionit në televizionin Ora News, tashmë është mësuar se kush do të jetë në vend të saj.
Sipas Newsbomb.al, gazetarja e Top Channel, Beti Njuma do të jetë drejtoresha e re e informacionit në këtë televizion.
Kujtojmë se Beti Njuma ka qënë për 14 vite në ekranin e Top Channel si spikere e lajmeve.
Ky informacion i fundit hedh poshtë thashethemet se Beti u largua nga Top Channel për shkak të rikthimit të Monika Stafës pas 2 vitesh mungesë.
Në fakt arsyeja e vërtetë është një ofertë e re e cila përkthehet në mundësi shumë të mira për gazetaren për të shënuar rritje në karrierë./K.Balliu
