Pas arrestimit të ‘të fortit’ të Shkodrës dhe bandës kriminale ‘Bajri’, mediat belge i kanë kushtuar sërish një artikull Safet Rustemit.
Kujtojmë, se ishin po mediat belge, të cilat disa muaj më parë shkruanin për Rustemin i cili kërkohej nga autoritetet belge pasi ishte dënuar me burgim për disa vepra penale të rënda. “I forti” i Shkodrës duhet të vuante 22 vjet burg në Belgjikë.
“La Libre” ka raportuar arrestimin e Bajrit, duke shkruar se ai është arrestuar në Shqipëri dhe se ky lajm është konfirmuar edhe nga drejtësia belge.
“Safet Rustemi, i njohur si Safet Bajri, i cili vitin e kaluar u bë pjesë e listës së individëve më të kërkuar nga policia federale është arrestuar në Tiranë”,- shkruan “La Libre”.
Lajmi për arrestimin e tij është konfirmuar nga zyra e Ministrit të Drejtësisë Koen Geens. Ministri Geens ka thënë se është i kënaqur që Safet Rustemi Bajri është arrestuar dhe do dalë para drejtësisë.
“Rustemi konsiderohet nga autoritet belge, si një nga kriminelët më të rrezikshëm në Evropë. Familja e tij ka kryer disa vrasje në Shqipëri. Në Belgjikë, ai u mundua të merrte nën kontroll rrjetin e prostitucionit, duke përdorur dhunën”,- shkruan më tej “La Libre”.
Vitin e kaluar, ai dënim të parë prej 9 vitesh burg, kurse këtë vit u dënua dy herë me me 8 dhe 5 vjet burg në Belgjikë.
