Kreu i PD, Lulzim Basha do të prezantojë nesër alternativën e PD për ndryshimet në ligjin Antimafia, që sipas PD kane për qëllim sekuestrimin e pasurive publike të fituara me kontrata në kundërshtim me ligjin.
Sipas asaj që shkruan BallkanWeb, aktiviteti do të zhvillohet në orën 11:00 tek Hotel Tirana, ndërsa prezantimi i ndryshimeve në ligjin antimafia konsiston në tre shtylla kryesore:
1. Abuzimi me koncesionet, lejet, tenderat.
2. Kostot e abuzimeve nga koncesionet/PPP.
3. Alternativa e zgjidhjes.
Pas prezantimit të kësaj alternative, kreu i PD Lulzim Basha do mbajë dhe një fjalim. Kujtojmë se kreu i opozitës më herët propozoi dhe nismën e vettingut të politikanëve së bashku me Partinë Demokratike e cila tashmë ka kaluar në Kuvend dhe pritet të mblidhet Këshilli i Legjislacionit për të diskutuar.
