Një ngjarje e rëndë ka ndodhur në një fshat të Durrësit.
Një 55 vjeçare ka përfunduar në spital në gjendje të rëndë shëndetësore pasi është dhunuar barbarisht nga kunati dhe djemtë e tij.
Sipas policisë shtetasja me iniciale Q.K, banuese në fshatin Armath të Manzës, pas ndihmës së parë mjekësore në spitalin e Durrësit, është dërguar për mjekim të specializuar në QSUT Tiranë.
“Nga veprimet hetimore të kryera rezulton se autorët e dyshuar janë shtetasit M.K. 61 vjeç dhe dy djemtë e tij, shtetasit A.K. 28 vjeç dhe A.K. 32 vjeç, të cilët në bashkëpunim me njëri – tjetrin, për motive pronësie janë konfliktuar dhe kanë goditur me sende të forta shtetasen Q.K”, njofton policia.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Vrasja për shkak të marrëdhënieve familjare“ e mbetur në tentativë e kryer në bashkëpunim.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
