Ngjela: Në vargun e madh të korrupsionit, Tahiri është më i lehti

Ndërkohë, mes shumë çështjesh të tjera, Ngjela ka bërë një paralajmërim, përsa i takon rasteve të korrupsionit nga ana e politikanëve shqiptarë.

Ngjela tha: “Në vargun e madh të korrupsionit, Tahiri do të jetë më i lehti ndaj atyre që do vijnë. Keni për t’i parë. Ka shumë nga të dy anët.”

Prej 10 muajsh kemi një prokurore të Përgjithshme dhe të Përkohshme, si i shihni veprimet e saj? A ka ngërç në prokurori?

Nuk ka ngërç në prokurori, kjo po del një grua shumë e fortë. Unë nuk e kam njohur. Por në momentet kur gjithë korrupsioni iu hodh kundër, kjo më dha mendimin që u jep frikë. Ai ishte fillimi, tani ajo ka filluar goditjen. Por tashmë ka ndryshuar Kushtetua, dhe ajo nuk ka kompetencat e llallës. Po të kishte kompetenca do të ishte ndryshe. Ajo po punon mirë, dhe brenda momentin të saj të dobët që ka.

 A po i rrëshqasin prokurorisë çështjet e nxehta, dosja “Shullazi”, dosja “Tahiri”. A janë të mira lëvizjet e prokurorëve?

Duhet të kemi parasysh se duhet t’i qëndrojmë ligjit. Duhet të kujtohemi që sipas Ligjit Organik, Prokuroria e krimeve të renda kthehet në Prokuroi Speciale, dhe do të hetojë korrupsionin e nivelit të lartë. Dhe ajo ose do t’i heqë me vetting ata që nuk meritojnë, ose do bëjnë kështu siç iu gjeti rasti kjo, për t’i transferuar.

A ka një minim të rastit “Tahiri”?
Nuk ka. Do të kishim një minim, nëse do të ishim në rast të parashkrimit. Përsa i përket çështjes “Tahiri”, do të them se është në proces gjyqësor, nuk ka sabotim. Dosja duhet të shkojë në gjyq. Në vargun e madh të korrupsioni, Tahiri do të jetë më i lehti ndaj atyre që do vijnë. Keni për t’i parë. Ka shumë nga të dy anët. Ndërkombëtarët nuk punojnë dot me këta të korruptuar. Këta jo vetëm që janë të korruptuar, por i kanë dalë ndesh politikën amerikano-gjermane.

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/