Gjykata e rrethit Shkodër do të japë masën e sigurisë ditën e sotme për mjekët e spitalit rajonal të akuzuar për shpërdorim detyre.
Kujtojmë se disa ditë më parë, policia arrestoi mjekët Përparim Cela dhe Luan Dragusha, ndërsa u shpall në kërkim E.S. Gjithashtu u arrestua edhe infermieri Renato Kepi si dhe farmacistët Karmen Kaculini dhe DH.U, ndërsa në arrest shtëpie u lanë Juliana Zhuri, Amanda Matlija dhe Albana Mehmetaj.
Prokuroria thotë se mjekët në kundërshtim me detyrën i kanë kërkuar Ministrisë së Shëndetësisë materiale të domosdoshme mjekësore për kabinetin e hemodinamikës, kur ky spital nuk ka pasur asnjë mundësi akomodimi dhe resurse njerëzore, të realizonte kaq shumë ndërhyrje sa stenda, e materiale të tjera ka blerë.
Gjithashtu, 2 ditë më parë, stafi i mjekëve të mbetur në spital, dolën në një deklaratë për mediat, duke i kërkuar Prokurorisë të rishikonte dhe njëherë vendimin pasi prezenca e mjekëve të arrestuar ishte i nevojshëm sepse rrezikohej jeta e pacientëve të shtruar në spital.
