Mjekët dhe infermierët e spitalit të Shkodrës që u arrestuan për ‘shpërdorim detyre’ janë lënë sot të lirë nga gjykata.
Sipas Ballkan Web, ditën e sotme Gjykata e Shkalles së parë në Shkodër rivlerësoi masën e sigurisë, ndërsa vendosi ti lirojë.
Doktor Luan Dragusha është liruar pa kushte, ndërsa mjekët e tjerë janë liruar me garanci pasurore.
Kujtojmë se disa ditë më parë u arrestuan për abuzime me tenderat e ilaçeve, ku u arrestuan ish-drejtori Përparim Çela, mjeku Luan Dragusha, infermieri Renato Kepi ndërsa janë në kërkim ish-drejtorja dhe mjekja Dhurata Uruçi dhe mjeku Edmir Smajli.
Prokuroria thotë se mjekët në kundërshtim me detyrën i kanë kërkuar Ministrisë së Shëndetësisë materiale të domosdoshme mjekësore për kabinetin e hemodinamikës, kur ky spital nuk ka pasur asnjë mundësi akomodimi dhe resurse njerëzore, të realizonte kaq shumë ndërhyrje sa stenda, e materiale të tjera ka blerë.
Gjithashtu, 2 ditë më parë, stafi i mjekëve të mbetur në spital, dolën në një deklaratë për mediat, duke i kërkuar Prokurorisë të rishikonte dhe njëherë vendimin pasi prezenca e mjekëve të arrestuar ishte i nevojshëm sepse rrezikohej jeta e pacientëve të shtruar në spital.
