Teksa në Kuvend ndodhet mazhoranca dhe pritet të votohet ligji për teatrin,jashtë tij ka nisur protesta në mbrojtje të Godinës së Teatrit Kombëtar.
Ligji që pritet të votohet nga ana e qeverisë, synon të prishë godinën dhe të lejojë ndërtimin e një kulle e cila favorizon interesat e kompanisë dhe disa prej zyrtarëve.
Qindra qytetarë dhe aktivistë janë shprehur se kalimi i këtij ligji sot në Kuvend është në shkelje me Kushtetutën e vendit dhe është gjetur në shkelje dhe nga vetë institucionet e BE-së.
Në deklaratën e Aleancës për Mbrojtjen e Teatrit thuhet se vendoi me kalimin e këtij ligji po shkon drejt diktaturës dhe ata janë të gatshëm që të mbrojnë me forcë godinën.
Mundësinë e rezistencës fizike nuk e ka përjashtuar mëngjesin e sotëm dhe regjisori Edmond Budina, i cili tha se do të merrte parasysh edhe burgun vetëm e vetëm që ky vendim diktatorial të hidhej poshtë.
Nga ana tjetër sot opozita ka vendosur që të mos jetë në Kuvend, duke organizuar takimin në qytetin eVlorës.
