Pas fjalës së Bashës, kanë folur dhe aleatët e tjerë të opozitës në takimin që po mbahet në qytetin e Vlorës.
Kreu i Partisë Agrare Ambientaliste, Agron Duka, në fjalën e tij është ndalur tek qëllimi për të rrëzuar qeverinë, duke u kërkuar deputetëve të jenë të bashkuar.
“Fakti që na bashkon më shumë se gjithçka është bashkimi i kësaj maxhorance me krimin. E ardhmja nuk është e sigurtë në këtë ambient ku ne jetojmë. Nëse duam të rrëzojmë krimin duhet t’i hedhim të dy bashkë, se i pari bën vota për të kthyer partinë në pushtet, ndërsa tjetra lejon krimin të funksionojë. Por ajo që duhet të na bashkojë është se rrezikohet e ardhmja e fëmijëve tanë,” tha Duka.
Nga ana tjetër Kryemadhi në fjalën e saj është shprehur se Edi Rama nuk e do vettingun.
‘‘Nuk do doja të zgjatesha shumë, por dua edhe në emër të LSI-së, t’i urojë mirëseardhjen kolegëve tanë opozitarë. Bashkimi i forcave opozitare është një sinjal shprese për shqiptarët, por ne duhet të jemi të kujdesshëm dhe racional në veprimet politike. Në agjendën e radhës do të jetë takimi me qytetarët, sepse janë ato që na kanë votuar”, ka thënë shkurtimisht Monika Kryemadhi.
https://www.facebook.com/lulzimbasha.al/videos/783456905319816/?hc_ref=ARSbqAApDyApQsKn7hG0GbLLzW4jxvge1LsvdwwDbdxxQ4O1BoV-ktY6ffk7DWM_JU8
