Ministri i Brendshëm Fatmir Xhafaj i ka kërkuar sot kryeprokurores Arta Marku të hetojë deklaratat e opozitës se ai dhe kryeministri Rama kanë përdorur pushtetin politik për të fituar dhe pastruar paratë e krimit dhe të drogës përmes lojërave të fatit.
“Kam të drejtën institucionale e personale ti bëj publikisht thirrje ndërgjegjes profesionale të organit të prokurorisë që në këtë situatë të angazhohen seriozisht për të marrë përgjegjësitë që ligji u takon dhe të ushtrojnë kompetencat ligjore përkatëse për të hetuar sa më shpejt mbi këto deklarime. Ne nuk mund të vazhdojmë më me këtë situatë ku pa mbajtur asnjë lloj përgjegjësie, çdokush mund të mashtrojë publikisht, shpifë si të dojë apo akoma më keq të shantazojë çdo njeri të thjeshtë apo funksionar të lartë siç është ministri i Brendshëm apo kryeministri i vendit”, tha Xhafaj gjatë fjalimit të mbajtur sot në Kuvend.
Ministri i Brendshëm u shpreh se ai s’ka asnjë lidhje me akuzat e opozitës për përfshirje në biznesin e lojërave të fatit direkt apo indirekt përmes familjarëve të tij. /Lapsi.al.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
