Basha prezanton nismën e re, cilat janë lëvizjet e reja që opozita paralajmëron

Nga Vlora, kryetari i Partisë Demokratike, ka prezantuar një tjetër nismë.

Pak ditë më parë ai prezantoi nismën për vettingun e politikës, e cila do të pasojë me një tjetër nismë të rëndësishme. Ai tha se do të kërkohet “shpronësim dhe sekuestrimin i të gjitha kompanive që kanë lidhur kontrata koncesionesh me qeverinë e kapur nga krimi”.

Nga ana tjetër, Basha ka paralajmëruar lëvizje nga ana e opozitës. Në mbledhjen e  opozitës së bashkuar Basha tha se përpara është një rrugë e vështirë, një provë zjarri por se koha e banditëve do të marrë fund shpejt. Një tjetër hap të rëndësishëm që opozita do të ndërmarrë janë konsultimet me qytetarët.

Ndërkohë në fjalën e tij, aleati i tij Idrizi është shprehur se nuk ka ardhur të zhvendosë askënd. Ai i referohet mungesës së Vangjel Dules , kreut të PBDNJ-së, në takimin e sotëm të opozitës.

Idrizi ka folur si një opozitar duke thënë se numerikisht opozita është në maxhorancë, sot si raport forcash, por ka ardhur dita sipas tij  ti japim shqiptarëve ofertën dhe zgjidhjen tonë për të gjithë problemet që kanë, ekonominë, krimin, vendosjen e shtetit ligjor./K.Balliu