Partia Demokratike njofton se këtë të enjte do të mblidhen në një qytet tjetër duke bojkotuar seancën plenare.
Burimet nga PD, thonë se opozita e bashkuar do të mblidhet këtë të enjte në Vlorë, në shenjë proteste ndaj bashkëqeverisjes me krimin. Vendimi pritet te merret ne mbledhjen e grupit parlamentar te Partise Demokratike.
Kujtojmë se opozita ka mbajtur takime dhe mbledhje të jashtëzakonshme në qytetet më problematike në vend të cilat janë kapur nga krimi.
Fillimisht në seancën e 3 shtatorit, ajo u zhvendos në Shkodër, për të vazhduar më pas në Elbasan dhe në seancën e fundit në Durrës.
Kryeopozitari Basha është shprehur nga takimet dhe mbledhjet e opozitës se çlirimi i qeverisë nga krimi do të jetë prioritet i opozitës në këtë sesion të ri të parlamentar.
