Një 28 vjeçar banues në fshatin Aliaj, Malësi e Madhe, ka përfunduar në prangat e policisë së Shkodrës, pasi akuzohet se bashkë me një person tjetër, kanë grabitur nën kërcënimin e armëve 6 shtetas pakistanezë..
“Shtetasi Albion Shabaj, në bashkëpunim me një shtetas tjetër, me një automjet në përdorim të tij, duke transportuar 6 shtetas të huaj nga vendet e treta me qëllim kalimin e paligjshëm të kufirit kundrejt fitimit, në lagjen Pepaj, fshati Hot, Malësi e Madhe, nën kërcënimin e armës u kanë marrë disa shtetasve pakistanezë 780 Euro, 2 aparate celularë, dhe 6 çanta shpine”, sqaron policia.
Në deklaratë thuhet se punohet për identifikimin dhe kapjen e autorit tjetër të kësaj ngjarje.
Në cilësinë e provës materiale është sekuestruar automjeti me të cilin shtetasi i arrestuar po transportonte shtetasit e huaj, si dhe po punohet për gjetjen e automjetit tjetër .
Materialet i kaluan Prokurorisë pranë Gjykatës së Shkallës së Parë Shkodër për veprat penale të “Vjedhje me dhunë” dhe “Ndihma për kalim të paligjshmëm të kufijve”.
