Plotë 400 milionë dollarë ka kushtuar dhurata luksoze që emiri i Katarit i ka bërë presidentit të Turqisë, Rexhep Taip Erdogan. Bëhet fjalë për një avion gjigant, i cili, krahas lumturisë së Erdoganit, ka sjellë edhe mjaft kritika.
Vetë presidenti ka bërë me dije se avioni Boeing 747-8 ishte një “dhuratë” nga Emir Tamim Bin Hamad Bin al-Thani.
Presidenti turk hodhi poshtë pretendimet se e kishte blerë avionin.
Ai u tha gazetarëve se Ankaraja kishte qenë e interesuar për blerjen e avionit, por emiri kishte këmbëngulur për t’ia dhënë si dhuratë.
Erdogan gjithashtu pohoi se avioni i përkiste popullit të Turqisë dhe jo atij personalisht, duke shtuar se ai do të përdorte avionin për udhëtimet e tij.
Aeroplani është projektuar për të transportuar 76 pasagjerë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
