Disa të shtëna me armë janë dëgjuar në banesën e 11 vjeçares e cila denoncoi ngacmimin e mësuesit të saj.
Bëhet fjalë për ngjarjen e ndodhur në Lutfinjë të Tepelenës. 63 vjeçari Myzo Dida u la i lirë nga gjykata për mungesë provash dhe pse prindërit ishin të sigurt se ai abuzoi seksualisht me vajzën e tyre të mitur.
Ndërkohë mësohet se në banesën e 11 vjeçares ka pasur të shtëna me armë, por ende nuk bëhet me dije nëse kjo lidhet me denoncimin e familjes ndaj tij.
Nga ana tjetër, nëna e vajzës ka deklaruar se ka frikë ta dërgojë vajzën në shkollë pas kësaj ngjarje.
Ngjarja
Prindërit kanë denoncuar mësuesin e zonës se ka abuzuar seksualisht me vajzën e tyre 11 vjeç, në klasë të 5-të. Besnik Mucodemi akuzon publikisht mësuesin e shkollës 9-vjeçare Myzo Dida, 63 vjeç se ka ngacmuar prej kohësh vajzën e tij.
Sipas burimeve, ai ka mësuar gjithçka pas një telefonate anonime të kryer në telefonin e shtëpisë të shtunën e kaluar.
Kjo thirrje në telefon ka qenë informuese për abuzimet që ka kryer mësuesi Myzo Dida, ndaj vajzës së tyre 11 vjeçe, nxënëse e klasës së pestë në shkollën e fshatit Luftinjë 1.
Pas kësaj, i ati i vajzës, ka gjykuar që këtë çështje ta ndjekë në rrugë ligjore.
Por mësuesi është i lënë i lirë për mungesë provash.
