Gjykata e Rrethit Gjyqësor Krujë sot caktoi ditën e dhënies së masës së sigurisë për 5 të arrestuarit nga aksioni i bujshëm i Niklës. Mes forcave të shumta policore dhe në siguri të lartë, të arrestuarit po presin të marrin dënimin.
Kujtojmë se 5 të ndaluarit nga aksioni në Nikël , janë: Ylli Çangu, Valter Bami, Skënder Leza, Markelen Haka dhe Lutfi Haka të cilët u ndaluan nga policia, pasi në banesat e tyre janë gjetur disa armë dhe fishekë, si dhe një shifër e konsideruesjhme parash.
Ndërkohë në këto momente, seanca po vazhdon dhe mësohet se është dhënë masa e sigurisë për 2 nga të arrestuarit.
Momentalisht është dhënë masa e sigurisë “arrest me burg” për Ylli Çangun dhe Valter Bamin.
Ndërkohë bëjmë me dije se prokuroria ka kërkuar arrest me burg për të 5 të arrestuarit.
