I këndoi Enverit, PD kërkon shkarkimin e Tërmet Peçit

Në pamjet që bëmë publike pak më parë, u pa sesi kryetari i Bashkisë, Tërmet Peçi shoqëron me zë Golikun e famshëm të Bënçës, në këngën kushtuar diktatorit Enver Hoxha.

Kujtojmë se kjo video është realizuar mbrëmë në drekën shtruar nga Bashkia e Tepelenës me rastin e 75 vjetorit të çlirimit të qytetit.

Lidhur me këtë skandal të kryetarit të Bashkisë, ka reaguar partia demokratike e cila kërkon dhe shkarkimin e Tërmet Peçit.

Ka qënë deputeti demokrat Tritan Shehu, deputeti i këtij qarku, i cili ka kërkuar në emër të PD shkarkimin e kryebashkiakut Peçi.

Në një postim në facebook, Shehu i kërkon kryeministrit Edi Rama shkarkimin e Peçit, duke e  cilësuar veprimin e tij një skandal.

Ja reagimi i plotë i Tritan Shehut:

“I kerkoj Kryeministrit, si deputeti Qarkut, te shkarkoje menjehere Kryetarin e Bashkise se Tepelenes,Termet Peci.

Gjithashtu Prokuroria duhet te veproje ndaj tij per shkelje te ligjit.

I bej thirje opinionit publik, mediave, shoqatave te ish te perndjekurve politike te reagojne me force ndaj ketij skandali e turpi te vertete!

Nje sfide e vertete kjo ndaj ligjit, demokracise, nje ofendim ky per proceset tona demokratike, nje arrogance e pa kufi ndaj ish te persekutuarve, ndaj gjithe ketij populli, qe e pagoi shume shtrenjte ate diktature te eger.

Nje perbaltje kjo edhe e te gjithe atyre, qe rane apo luftuan fashizmin e nazizmin, per nje Shqiperi te lire, demokratike, te begate, pavaresisht nga menyra se si ata e perceptonoin kete ne vitet e asaj lufte epokale.

Ishte ai diktator e ajo diktature, qe tradhtoi e shkeli edhe mbi gjakun e sakrificat e tyre, qofte edhe te popullit atdhetar e liridashes te Tepelenes, qe njohu gjate saj vecse vuajtjet, persekutimet, varferine.

Cdo te ndodhte ne Gjermani apo Itali sikur nje Kryetar Bashkie t’i thurte lavde ne nje ceremoni zyrtare Hitlerit apo Musolinit!?

A mund te me pergjigjeni per kete ju Z.Kryeminister?”

/DRONI.al/