Vetingu i politikanëve, Vasili: Rilindasit kanë frikë, policia bëri show në Nikël dhe Shkodër

Kreu i grupit parlamentar të LSI-së Petrit Vasili ka qenë i ftuar sot në Fax News për të komentuar zhvillimet e fundit të aktualitetit politik, siç është nisma për vetingun në radhët e politikanëve apo niveli i kriminalitetit në vend.

Sipas Vasilit Rilindja ka frikë nga Vetingu ndaj dhe nuk jep dakordësinë për ndryshime kushtetuese, ndryshe nga opozita që është shumë gati që ky proces të nisë sa më herët.

‘Standardi i Vetingut ndaj politikanëve duhet të jetë i njëjtë me atë që po kryhet ndaj prokurorëve dhe gjykatësve. Na duhet një ndryshim në Kushtetutë njësoj siç bëmë në sistemin e drejtësisë, në momentin që do themi po do iniciojmë dhe nismën ligjore. Problemi është do i hapim apo jo rrugën, pasi instrumentet krijohen.

Kur vjen fjala për të miratuar vjedhjen e 200 milionë eurove te Teatri i thonë po këta brenda natës, edhe për të emëruar Arta Markun, ndërsa për të votuar këtë nismë të opozitës thonë jo. Vetingu për politikanët ka dallim nga dekriminalizimi, pasi fotografon të gjithë situatën.

Shumë e rëndësishme është dhe kontrolli i pasurisë, të cilët nuk sqaroheshin dot nga dekriminalizimi. Unë dhe të gjithë kolegët e mi në LSI jemi iniciatorë dhe nuk kemi aspak frikë, si këta të Rilindjes që thonë jo po kjo, po ajo’, u shpreh Vasili.

Kreu i LSI-së nga ana tjetër ka komentuar dhe qëndrimin e opozitës ndaj parlamentit duke thënë se nuk ka plan për bojkot, por vetëm një marrëdhënie të kushtëzuar, që përfshin dhe takime qytete të ndryshme të vendit, duke u qëndruar në krah qytetarëve.

‘Takimi ynë është mbajtur në qytetin simbol të krimit në këto muajt e fundit, policia bëri shoën e radhës në Shkodër dhe në Nikël.

Ju e dini shumë mirë që figura të caktuara të krimit u kthyen në banesat e tyre disa orë pas kontrolleve, kjo ndodh pasi policia i ka duart e lidhura. Nuk kemi për ta bojkotuar kurrë parlamentit, po aksioni në disa qytete të ndryshme të vendit ka qenë e domosdoshme’, u shpreh më tej Vasili.

/DRONI.al/