Pas vendimit të Parlamentit Evropian për të votuar pro liberalizimit të vizave në Kosovë, kreu i Partisë Demokratike, Lulzim Basha, ka përshëndetur këtë vendim.
Sipas Bashës, ky votim është mbështetje e qartë për Kosovën dhe perspektivën e saj europiane.
“Përshëndes votimin e Parlamentit Europian për lëvizjen pa viza të qytetarëve të Kosovës në BE.
Ky votim i njeh qytetarëve të Kosovës një të drejtë të merituar dhe dinjitet të barabartë në rajon. Votimi i PE është mbështetje e qartë për Kosovën dhe perspektivën e saj europiane”, ka thënë kryedemokrati Basha.
Tanja Fajon, Raportuesja për Kosovën në Parlamentin Europian, ka thënë se Kosova i ka përmbushur të gjitha kushtet për liberalizimin e vizave.
Tani mbetet vetëm që të gjithë eurodeputetët të votojnë pro rekomandimit të ardhur nga Komisioni Europian që më 18 korrik të këtij viti.
