Ky thyer më në fund heshtjen kryeministri Rama, duke zgjedhur të reagojë për liberalizimin e vizave në Kosovë.
Në një postim në llogarinë e tij në Twitter, Rama dhe pse është përpjekur të reagojë, ka thumbuar dhe një nga institucionet më të rëndësishme të unionit evropian, siç është dhe parlamenti evropian.
Rama e thumbon Parlamentin Europian duke i thënë se hoqi nga vetja njollën me të cilën Europa ka kaq vjet që cenon flamurin e vet duke mos hequr vizat për Kosovën.
Ja çfarë ka shkruar kryeministri:
“Shyqyr që Parlamenti Europian e hoqi nga vetja njollën me të cilën Europa ka kaq vjet që cënon flamurin e vet duke mos hequr vizat për Kosovën! Kosova mbetet dhe për pak kohë i vetmi vend me viza për në Europë, por kjo e sotmja është një hap për t’u përshëndetur sidoqoftë”.
Po ku ndodhet kryeministri i shqiptarëve teksa zgjedh të bëjë deklarata të tilla thumbuese nga Twitter-i?
Kryeopozitari Lulzim Basha nga takimi i jashtëzakonshëm në Durrës, me opozitën e bashkuar, ka deklaruar se Rama ndodhet në New York prej 5 ditësh, për të kryer një tjetër vjedhjeje.
Sipas tij, Rama ka premtuar truallin e konsullatës shqiptare në New York, për kullë në këmbim të një mini sipërfaqe edhe për zyrat e konsullatës.
“Rama kapet duke vjedhur me ligj dhe zhduket 5 ditë në New York, dhe atje po mendon të bëjë një tjetër vjedhje me ligj. Të vjedhë territorin e konsulatës në New York dhe të ndërtojë kullë”, u shpreh Basha nga takimi.
Përderisa kryeministri hesht dhe nuk flet,por thumbon me reagime nga rrjetet sociale, kjo aprovon deklaratën e liderit të opozitës./K.Balliu
