Opozita do të bojkotojë sërish seancën parlamentare ditën e enjte.
Pas Shkodrës dhe Elbasanit, opozita do të mblidhet në qytetin e Durrësit.
Në këtë sesion të ri parlamentar, opozita ka zgjedhur të mos marrë pjesë në Kuvend në shenje proteste për situatën e krimit në vend.
Në të dyja qytetet para mbledhjes, kryetari i Partisë Demokratike Lulzim Basha ka denoncuar lidhjet e qeverisë me krimin dhe pas denoncimit të tyre, qeveria ka marrë masa duke kryer kontrolle intensive.
Së fundmi, Partia Demokratike ka depozituar në Kuvend, projektligjin për vetingun e politikanëve.
Ja 4 objektivat e kësaj nisme
1 – Dekriminalizimi i plotë përmes vettingut të politikanëve të lidhur me krimin.
2 – Çlirimi i drejtësisë nga kapja politike në funksion të bashkëqeverisjes së Edi Ramës me krimin
3 – Zgjedhje të lira të ndershme, demokratike ku qytetarët të jenë ata që vendosin
4 – Një ekonomi e çliruar nga monopolet, nga oligarkët dhe nga korrupsioni qeveritar, në funksion të mirëqenies së qytetarëve.
