Policia e Elbasanit ka arritur të kapë një 30-vjecar, i cili ishte shpallur në kërkim ndërkombëtar. Eshtë arrestuar Erilnd Liçenji 30 vjeç, banues në lagjen “Kongresi” Elbasan.
Sipas policisë, ai ishte dënuar dhe duhet të kryente dënimin me burg për shitje të lëndëve narkotike në bashkëpunim.
Prokuroria e Rrethit Gjyqësor Kavajë ka dërguar urdhërin mbi ekzekutimin e këtij vendimi menjëherë sapo i riu është kapur. Ky shtetas i’u dorëzua shërbimeve të Komisariatit të Policisë Kavajë.
NJOFTIMI I PLOTË
Elbasan
Vijon puna për kapjen e personave të shpallur në kërkim kombëtar.
Kapet një person i shpallur në kërkim kombëtar.
Mbi bazën e informacioneve të marra në rrugë operative, shërbimet e policisë në Komisariatin e Policisë Elbasan pas një pune të mirëorganizuar, bënë të mundur lokalizimin dhe kapjen e shtetasit të shpallur në kërkim:
• Erilnd Liçenji 30 vjeç, banues në lagjen “Kongresi” Elbasan.
Ndalimi i tij u bë pasi Prokuroria e Rrethit Gjyqësor Kavajë ka dërguar urdherin mbi ekzekutimin e vendimit penal Nr.22/6 dt.12.01.2016 të Gjykatës së shkallës së Parë Kavajë, e cila ka caktuar masën e sigurisë “Arrest me burg” për veprën penale, “Prodhim e shitje e narkotikeve në bashkëpunim” parashikuar nga neni 283 e 25 të Kodit Penal.
Gjithashtu po për këtë shtetas Prokuroria e Rrethit Gjyqësor Durrës, ka dërguar urdhërin për ekzekutimin e Vendimit Penal Nr.120 dt.12.02.2014 të Gjykates së Shkallës Parë Durrës, e cila e ka dënuar me 1(një)vit burgim për veprat penale, “Shkelje të rregullave të qarkullimit rrugor”, “Largim nga vendi i aksidentit”, parashikuar nga nenet 290/3 e 273 të Kodit Penal.
Ky shtetas i’u dorzua shërbimeve të Komisariatit të Policisë Kavajë.
