43 vjeçari Alket Muhaj u ekzekutua me armë vetëm se denoncoi 10 ditë më parë tek policia parcelat e kanabasit në zonën ku ai jetonte.
Ndërkohë kanë dalë detaje të tjera në dritë nga kjo vrasje ditën e djeshme në fshatin Rabije në Memaliaj.
Mësohet se deri tani policia ka arrestuar si të dyshuar për ngjarjen shtetasit K.C 59-vjeç dhe A.K. 33 vjeç, banues në fshatin Gllavë.
Por ndërkohë janë shoqëruar në komisariat dhe 6 persona të tjerë.
Sipas burimeve të tjera, mësohet se viktima u qëllua 7 herë me kallash nga disa autorë profesionistë, por policia bën me dije se ka gjetur vetëm një gëzhojë.
