Mes të arrestuarëve në Shkodër, gjatë aksionit të policisë dhe forcave RENEA është dhe një dhe ish-kampion i boksit Astmer Bilali, 29 vjeç, lindur e banues në Shkodër.
Por emri i tij u përmend dhe mbrëmjen e djeshme gjatë emisionit Repolitix të drejtuar nga Denis Minga gazetari i Report Tv, në të cilën Artan Hoxha deklaroi se Arjan Ferracaku që mbeti viktimë nuk ishte objektivi i vërtetë i atentatit.
Hoxha u shpreh se objektivi i vërtetë i autorëve ishte Astmer Bilali, boksier dhe personazh i njohur në kryeqendrën e veriut. Sipas gazetarit investigativ, autorët ngatërruan shënjestrën, pasi Ferracaku dhe Bilali ngjajnë shumë.
Pra Bilali është një personazh i njohur në qytetin e Shkodrës, teksa është arrestua dhe për armëmbajtje pa leje në vitin 2014, dhe më pas është lënë sërish i lirë.
Po ashtu një tjetër emër i njohur është ai i Erogen Brajoviç, 36 vjeç, lindur e banues në Shkodër, i cili në mandatin e kaluar ka qenë këshilltar bashkie I PBDNJ-së, dhe ka qenë shumë aktiv veçanërisht në çështjet e sportit.
Ndërsa dy personat e tjerë të arrestuar janë Ilir Rustemi (Bajri), 42 vjeç, lindur e banues në Dobraç, Shkodër; Emrah Plaku, 22 vjeç, lindur e banues në Shkodër.
