Prokuroria e Krimeve të Rënda mësohet se vendosur të zgjasë afatet e hetimit për ish-zyrtarët e Policisë së Vlorës të cilët akuzohen për përfshirje në grupin kriminal ‘Habilaj’.
Sipas BallkanWeb, mësohet se afati është zgjatur me 3 muaj. Kujtojmë se Jaerd Cela, ish kreu i policisë së Vlorës dhe Gjergj Kohilan, janë të dy në arrati dhe janë shpallur në kërkim.
Gjithashtu, për të dy ish-zyrtarët po hetohet pasi akuzohen se janë pjesë e të njëjtës çështje me ish-ministrin e Brendshëm Saimir Tahirin. Zgjatja e hetimeve është lënë deri në 20 nëntor 2018.
Hetimi ndaj ish – ministrit të Brendshëm Saimir Tahiri duket se do zgjasë edhe pas muajit Tetor, kohë kur përfundon afati i hetimit.
Prokuroria e Krimeve të Rënda pritet të kërkojë për herë të dytë kohë për të mbledhur prova kundër tij. Megjithate muaji Shtator pritet të jetë deçiziv për fatin e hetimit. Prokurorët e çështjes kanë dalë në punë edhe në Gusht.
