Edhe në seancën parlamentare që pritet të mbahet ditën e nëserme, opozita nuk do të marrë pjesë. Opozita do të vazhdojë marrëdhëniet e kushtëzuar me parlamentin.
Mësohet se opozita do të zhvendoset në Elbasan në shenjë proteste për situatën e krijuar nga krimi.
Nga burimet mësohet se opozitarët denoncojnë lidhjet e mazhorancës me krimin.
Kujtojmë që ditën e hënë, në ditën e parë të seancës parlamentare, opozita njoftoi për mbledhjen e jashtëzakonshme në Shkodër, nga ku Basha dhe aleatët e tij paralajmëruan për masa radikale ndaj qeverisë, ku u tregua i vendosur të rrëzojë qeverinë dhe ftoi qytetarët që t’i përgjigjen thirrjes për aksion radikal politik.
Kreu i opozitës siguroi shkodranët për solidaritet dhe mbështetje në kushtet kur qyteti ëhstë përfshirë nga vrasje dhe pengmarrje javët e fundit, ndërsa kërkoi dorëheqjen e menjëhershme të minsitrit Xhafaj dhe drejtorit të Përgjithshëm të Policisë, Ardi Veliu.
