Eshtë mësuar identiteti i shqiptarit të ekzekutuar në Spanjë nga një makinë me xhama të errët.
Sipas mediave spanjolle, ai është Fatmir A.,i dënuar më parë për vrasjen e një 26-vjeçari të ndodhur në Cambrils në Shkurt të vitit 2008, shkruan Tv Klan.
Dyshime e para të policisë janë për një hakmarrje ndaj 43 vjeçarit. Shqiptari kishte bërë burg pasi ekzekutoi me armë një 26-vjeçar në një pikë karburanti në Cambrils.
Pas daljes nga burgu, shqiptari jetonte në Reus, në provincën e Tarragona, Katalonjë. Krimi i ndodhur para 10 viteve i cilësua si larje hesapesh për çështje droge dhe prostitucioni.
Tv Klan shkruan se kanë qenë banorët e zonës që lajmëruan policinë, e cila kur mbërriti në vendngjarje gjeti të shtrirë në tokë dhe të pajetë Fatmir A.
Dëshmitarët u thanë hetuesve se dëgjuan disa të shtëna me armë. 43-vjeçari mendohet se u qëllua nga një person në distancë të afërt. Ky i fundit më pas u arratis me një makinë me xhama të zinj.
