Mediat italiane kanë bërë me dije se kush është shqiptari i cili humbi jetën pasi u rra barbarisht nga një shqiptar tjetër gjatë një sherri në Itali.
Ai është Arben Kola, 32 vjeç dhe është babai i dy fëmijëve. Kola mësohet se humbi jetën në spital ditën e sotme pas një sherri që kishte nisur në një lokal.
Ngjarja ndodhi në zonën e Chiari-t, në krahinën e Breshias.
Shqiptari tjetër që e rrahu për vdekje është një 26-vjeçar shqiptar, i cili u arrestua në mëngjes nga karabinierët dhe pse u përpoq të arratisej.
32-vjeçari mendohet vdiq pasi i ra koka në trotuar pas zënkës që nisi jashtë një lokali, por autoritetet italiane janë duke punuar për të zbardhur gjithë shkaqet dhe motivet që çuan në këtë situatë tragjike.
