Kur kanë mbetur vetëm 48 orë nga përfundimi i afatit për paraqitjen e kandidaturave në Gjykatën e Lartë, deri tani gjithsej kanë aplikuar vetëm 2 kandidatë nga Gjykatat e Apeleve në rrethe.
Sipas BallkanWeb, emrat e paraqitur pranë Gjykatës së Lartë pritet të publikohen në përfundim të afatit zyrtar të raundit të dytë.
Afati i paraqitjes së kandidaturave për KLGJ përfundon më 6 shtator, ndërsa kandidaturat e paraqitura për Këshillin e Lartë Gjyqësor pritet ti nënshtrohen më pas procesit të vettingut.
Muajt shtator-dhjetor pritet të jenë muaj të nxehtë të reformës në drejtësi për faktin se pritet të ngrihen institucionet më të rëndësishme, ato që konsiderohen si qeverisja e organeve të drejtësisë dhe konkretisht KLGJ dhe KLP.
Për Këshillin e Lartë Gjyqësor, Gjykata e Lartë ka hapur thirrjen e dytë për të gjithë gjykatësit e apeleve në rrethe për të kandiduar me qëllim që të bëhen pjesë e KLGJ.
