Është hedhur shorti i gjyqtarëve që do të shqyrtojnë gjithë procesin ndaj kreut të Gjykatës Kushtetuese Bashkim Dedja.
Kjo vjen menjëherë pas depozitimit të ankesës së ONM-së e cila ishte kundër vendimit të Komisionit të Pavararur të Kualifikimit për konfirmimin në detyrë të kreut të Kushtetueses.
Gjyqtari Bashkim Dedja i cili kaloi vettingun, do ti duhet që të përballet dhe me Komisionin e Posaçëm të Apelimit.
Sot mësohet se në Kolegjin e Posaçëm të Apelimit është regjistruar çështja (JR ) Nr. 10/2018, datë 31.07.2018 që i përket ankimit të Komisionerit Publik, kundër vendimit nr. 24, datë 13.06.2018 të Komisionit të Pavarur të Kualifikimit, që lidhet me procesin e rivlerësimit kalimtar të subjektit të rivlerësimit z. Bashkim Dedja.
“Sot, në datën 04.09.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes”- thuhet në njoftim.
Trupi gjykues i caktuar me short është i përbërë si më poshtë:
Kryesues: Ardian Hajdari
Relator: Luan Daci
Anëtarë: Albana Shtylla, Natasha Mulaj, Rezarta Schuetz
