Tashmë nuk është më e pazakontë të dëgjojmë se figura të ekranit shqiptar po lëvizin duke u pozicionuar në televizione me programe të reja.
Pas shumë emrash që ne kemi njoftuar, radhën e vazhdon moderatorja Orinda Huta të cilën e kemi parë në Vizion Plus.
Pas largimit të Turjan Hyskës, bashkëshkortit të saj, i cili u bë pjesë e Tv Klan, edhe Orinda duket se do lërë ekranin e Vizion Plus.
Sipas Gazeta Express ajo do të jetë këtë sezon televiziv në Tv Klan dhe pikërisht në jurinë që do të gjykojë artistët e rinj në festivalin e muzikës së lehtë shqiptare “Kënga Magjike”.
Kujtojmë se Orinda ka qëndruar për një kohë të gjatë në Vizion Plus duke moderuar një emision me intervista.
