Kryetari i Kuvendit, Gramoz Ruçi, mblodhi sot rreth orës 12 Konferencën e Kryetarëve, ku është paraqitur edhe kalendari trejavor i punimeve të Parlamentit.
Pjesë e diskutimit ka qene dhe çështja e teatrit, ku u diskutua për dekretin e Presidentit Ilir Meta për projektligjin e ndërtimit të Teatrit të ri Kombëtar.
Mësohet se është shtyrë seanca që duhej të bëhej në datën 13 shtator, me kërkesë të vetë socialistëve.
Deputeti i mazhorancës Ulsi Manja pas mbledhjes mediat ka thënë se Dekreti i presidentit Meta për ligjin e Teatrit do të kalojë në seancën e datës 20 shtator në Kuvend, dhe jo si ishte planifikuar më herët.
Shkaku sipas tij, ka qënë se është nevoja të njihen me pikat e dekretit me imtësi në mënyrë që të fokusohen tek qytetarët.
Përsa i përket çështjes së teatrit, nga ana tjetër, Spaho tha se mazhoranca duhet të ketë kurajo për të miratuar dekretin dhe për të rrëzuar ligjin.
