Të paktën 5 persona humbën jetën dhe 19 të tjerë u plagosën si pasojë e një aksidenti në një rrugë dytësore në Aviles të Spanjës.
Siç raportojnë mediat vendase në aksident është përfshirë një autobus me udhëtare, i cili u përplas me një shtyllë mbikalimi në dalje të autostradës.
Përplasja fatale ndodhi në orën 13:40 në dalje të Avilesit.
Në vendngjarje shkuan shërbimet e emergjencave, garda civile dhe policia, që kanë menaxhuar mes vështirësive edhe trafikun në zonë.
Një helikopter i urgjencave ka transportuar gjithashtu disa të plagosur në qendrat shëndetësore më të afërta.
Nuk dihen ende rrethanat e aksidentit të rëndë.
