Kryebashkiaku i Tiranës, Veliaj, e ka quajtur Teatrin Kombëtar një stallë kuajsh e kazermë fashiste. Në përpjekjen e tij për të zhvlerësuar sa më shumë godinën e dy teatrove, atij Kombëtar dhe atij Eksperimental, të cilat kërkon t’i prishë për t’i dhuruar tokën publike kompanisë private “Fusha”, që do ndërtojë aty disa kulla, Veliaj është përfshirë në debat me një komentues.
Ky i fundit i shkruan Veliajt se qytetet që sot kanë më shumë turistë e kanë ruajtur të shkuarën e tyre ndërsa Veliaj i përgjigjet duke i thënë se teatri është një stallë kuajsh e kazermë fashiste. Më teëj komentuesi i sjell të tjerë shembuj kryebashkiakut, që devijon nga debati.
Ligji për prishjen e Teatrit Kombëtar u miratua vetëm me votat e mazhorancës në seancën e fundit plenare, por u kthye mbrapsht nga presidenti Meta për mangësi të shumta.
Ai është futur në kalendarin e Kuvendit në seancën e parë, atë të së hënës, ku mazhoranca pritet të votojë sërish pro prishjes. Prishja e Teatrit Kombëar është kundërshtuar prej muajsh nga qytetarë, artistë e opozita që janë kundër prishjes së godinës dhe faljes së tokës publike. /Hashtag.al.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
