Kanë kaluar pesë ditë nga zhdukja e dy burrave në Shkodër dhe ende nuk ka asnjë gjurmë.
Ishte denoncimi i bërë publik nga ish-kryeministri Berisha fillimisht mbrëmjen e shkuar ku denoncohej zhdukja e dajës dhe nipit, ndërkohë sot kemi denoncimin e bërë nga dy gratë e tyre në polici.
Gëzim Hysaj, 56 vjeç dhe nipi i tij Agron Molla, 47 vjeç janë larguar më 23 gusht dhe që prej asaj dite askush nuk di gjë. Bashkëshortja e 56-vjeçarit nga Dobraçi i Shkodrës në një intervistë ka treguar për bisedën e fundit me burrin e saj.
Ajo thotë se Gëzimi doli të takonte një shok dhe nuk erdhi me në shtëpi. Kishte tentuar të binte në telefon dhe zilja shkonte, por pas 5 minutash nuk arrinte të komunikonte dot më për shkak se telefoni dilte i mbyllur.
Ndërsa për nipin Agron Mollaj, ajo thotë se ai është larguar një orë më pas nga burri i saj.
Gëzim Hysaj është baba i katër fëmijëve ndërsa nipi i tij Agron Mollaj është baba i tre fëmijëve ndërsa punonte me një servis motorash. Gruaja ka treguar se nuk kishin konflikte dhe të dy ishin të qetë dhe jo të shqetësuar.
*Intervista marrë nga BallkanWeb
