Gazment Bardhi nga selia blu ka mbajtur një deklaratë lidhur me audio-përgjimin e bërë publike dje ku me urdhër të kryeministrit po shantazhohej anëtari i gjykatës së Strasburgut Ledi Bianku për disa nga dosjet e pronave të shqiptarëve.
Sipas tij, në materialin audio, kërcënimi ishte i qartë nga i dërguari i Edi Ramës.
Edi Rama, sekretari i tij i përgjithshëm Engjëll Agaçi dhe nënkryetari i komisionit qendror të zgjedhjeve Denar Biba mund të përdorin gjithë pushtetin e tyre për të mbyllur çështjen, por nuk mund të ndryshojnë faktin: se gjykatësi Ledi Bianku e ka raportuar shantazhin tek eprorët në Strasburg.
Ledi Bianku, gjyqtari shqiptar në Strasburg, ka pranuar bisedën si dhe ka konfirmuar se e ka informuar kryetarin e atëhershëm të gjykatës së Strasburgut, duke i cilësuar mesazhet e të dërguarit të qeverisë si ndikim të papërshtatshëm.
Sipas Bardhit, të ashtuquajtërën bisedë miqësore me Denar Bibën,gjyqtari Ledi Bianku e raportoi pranë kryetarit të gjykatës në atë kohë, si një ndërhyrje të paligjshme në punën e tij. Pikërisht ky është fakti të cilën as Edi Rama dhe as sekserët e tij nuk mund ta ndryshojnë dot, thotë në fjalën e tij ish ministri i drejtësisë Gazmend Bardhi.
Në mbyllje të fjalës së tij, Bardhi thotë se heshtja e Edi Ramës tregon se ai është urdhëruesi i këtij shantazhi e cila pohon dhe njëherë se kercenimi, kapja politike, blerja dhe korruptimi është modeli i drejtësisë që Edi Rama po instalon në këtë vend. /K.Balliu
https://www.facebook.com/lulzimbasha.al/videos/229949827677511/?notif_id=1535447442005030¬if_t=live_video
