Mësohet se Prokuroria ka nisur hetimet për përgjimin e audio-bisedës mes Denar Bibës dhe gjyqtarit shqiptar të Gjykatës së Strasburgut Ledi Bianku.
Burime të rezervuara konfirmuan për ABC News se një Oficer i Policisë Gjyqësore të prokurorisë së kryeqytetit është ngarkuar me detyrën e kryerjes së verifikimeve për rastin.
Kjo ka ardhur menjëherë pas bërjes publike por dhe të kërkesës së opozitës për të hetuar dhe verifikur audio-përgjimin.
Kujtojmë se në audio-përgjim, tregohet sesi zyrtarë të lartë të qeverisë shqiptare dërgohen nga Rama në Strasburg për të shantazhuar gjyqtarin përfaqësues të Shqipërisë për të mbyllur problemin e pronave në këtë gjykatë derisa Rama të hartonte një ligj të ri.
Ndërkohë para pak çastesh, reagoi dhe Basha i cili e dënoi këtë akt. Kryedemokrati e konsideron të pajustifikueshëm si dhe i kërkon kryeministrit Edi Rama të shkarkojë nga detyra Engjëll Agacin dhe Denar Bibën e t’ia dorëzojë drejtësisë.
*Audio-përgjimi – Biseda
“Më mori Engjëll Agaçi, Sekretari i Përgjithshëm i Këshillit të Ministrave, e më thotë ç’e ke Ledi Biankun?
I thashë…
Më thonë që nga gjithë këta që kemi afër ne ti e ke [më afër].
[Agaçi më] tha… hajde të pijmë një kafe… ky muhabet të mërkurë, të enjte…
Tha, kemi këto problemet, e di ti gjithë kjo historia që do kërkohet shtyrja.
Të lutem tha, ti lutesh të na gjendet në gjithë këtë histori … sot është Niko Peleshi [këtu në Strasburg] ka takim [me Kryetarin e GJEDNJ-së]”
Biba vazhdon: “Ma paguan ata biletën…”
Pastaj, Biba i drejtohet Biankut për ta bindur që të pranojë të ndikojë:
“A të ndalon më ky tren në stacion? Të ngelesh pa punë dhe ç’të vajti sakrifica! Njeriu bën kompromise në jetë.”
