Pas publikimit të audio-përgjimit mes Denar Bibës dhe Ledi Biankut, gjyqtarit shqiptar në Strasburg, vjen reagimi nga ish-kreu i KQZ-së. Biba pranon se ka folur me të, por thotë se audio-përgjimi është manipuluar.
Në audio dëgjohet që ai kërkon të shantazhojë Biankun në emër të krahur të djathtë të Edi Ramës, Ëngjëll Agaçit.
Fjala e tij:
”Ska nevojë të bëni dedektivin me mua. Unë e kam takuar mikun tim Ledi Bianku, ndër të tjera edhe në vizitën zyrtare pranë GJEDNJ, ku isha pjesë e delegacionit të kryesuar nga ish zv-kryeministri i kohës. Metafora e trenit ishte në përgjigje të pyetjes që Bianku më bëri mua se “përse pranova detyren e kryetarit të KPP”, duke qenë se ishte në dijeni të aspirates sime për Gjykatën Kushtetuese. Ja kaq e thjeshtë është.
Mjaft të dëgjoni bisedën e plote, dhe do ta kuptoni që “sakrifica” e përfolur ishte e imja dhe s’kishte asnjë lidhje me z.Bianku. Isha unë që pranova një detyrë që nuk e doja. Kërkoni bisedën e plotë! E keni për detyrë. Mjafton të dalë biseda e pa manipuluar dhe do dëgjoni një bisedë mes 2 shokësh pa asnjë lidhje”, është shprehur Biba për Fax News.
