Mësohen detaje të reja nga atentati i ndodhur mbrëmjen e djeshme në Lezhë.
Arben Gjini, 35-vjeçari i cili mbeti i plagosur nga atentati , dyshohet se është i përfshirë në trafikimin e kanabisit në Itali.
Për këtë arsye, të gjitha hetimet janë përqëndruar pikërisht në ketë pistë: Një konflikt i mundshëm për prishjen e pazareve të drogës, thanë burime pranë grupit hetimor.
Gjini është i dënuar në Itali e më pas është sjellë drejt vendit tonë. Vetëm pak kohë më parë, ai është liruar nga burgu në Itali.
NGJARJA
35 vjeçari Arben Ggjini u plagos rreth orës 21:45. Ngjarja ndodhi në një lokal në fshatin Ishull Lezhë. Gjini banonte në Mirëditë dhe pak para atentatit ndodhej në kafe me autorin.
Dyshohet se 35-vjeçari Gjini është qëlluar nga një automjet në lëvizje dhe ka marrë dy plumba, në këmbë dhe shpatull.
I plagosuri u dërgua drejt spitalit të Traumës në Tiranë për mjekim të specializuar.
Policia po punon për identifikimin e autorëve dhe zbardhjen e motivit të ngjarjes. Një makinë tip “Benz” i vjedhur, u gjet mbrëmë i djegur në fshatin Kolsh, disa kilometra larg vendit të ngjarjes dhe dyshohet se i përket autorit.
