Legjenda e futbollit anglez, Paul Gascoigne, ka rënë në prangat e policisë britanike, me dyshimin për sulme seksualisht ndaj një gruaje në një tren.
Sipas asaj që shkruan “The Sun” 51-vjeçari u mbajt në një stacion hekurudhor nga policia britanike e transportit pas akuzave se ai preku një femër në vend të papërshtatshëëm.
Një zëdhënës i policisë citohet të ketë thënë:
“Zyrtarët u thirrën në stacionin e Durhamit në orën 6.45 të hënën pas raportimeve se një grua ishte sulmuar seksualisht në një tren ndër-shtetëror nga Neë York. Një burrë 51-vjeçar nga Gateshead është arrestuar pasi dyshohet për sulme seksuale, ndërkohë që disa orë më pas është liruar me kusht. Zyrtarët po vazhdojnë të bëjnë hetime rreth kësaj ngjarjeje.”
Gascoigne, i cili po përballet me një betejë të gjatë me varësinë nga alkooli, thuhet se është liruar në pritje të hetimeve të mëtejshme. Incidenti i dyshuar u bë në stacionin hekurudhor të Durhamit të hënën mbrëma.
Gjatë karrierës së tij futbollistike, Gascoigne u aktivizua me skuadra si Newcastle United, Tottenham Hotspur, Lazio, Rangers, Burnley, Everton dhe Middlesbrough.
