Instituti i Studimeve Politike, i drejtuar nga Afrim Krasniqi, ka publikuar raportin e monitorimit të performancës së deputetëve.
Është marrë në analizë veprimtaria e 140 deputetëve të Kuvendit ku janë vlerësuar deputetët me efikasitet të lartë.
Instituti i Studimeve Politike vlerëson se deputetja demokrate e cila është edhe nënkryetare e Komisionit të Ekonomisë Jorida Tabaku është deputetja me efikasitetin më të lartë në diskutimet e 140 deputetëve gjatë seancave parlamentare.
Katër deputetët më të vlerësuar janë: deputeti i PS-së Erjon Braçe, deputetja e PD-së Jorida Tabaku, socialistja Vasilika Hysi dhe demokratja Albana Vokshi.
Përsa i përket deputetëve të cilët kanë folur më shumë, vendin e parë e zë kreu i Grupit të PS-së, Taulant Balla,i cili është listuar në krye të tabelës së deputetëve që kanë folur më shumë në Parlament. Balla ka mbajtur në Parlament 14 fjalime individuale dhe 6 fjalime në emër të grupit të PS- së.
Ndërkohë që pas tij renditet Lulzim Basha, i cili ka mbajtur 13 fjalime dhe 4 qëndrime në emër të grupit të opozitës.
Por raporti ka nxjerrë dhe emrat e atyre deputetëve të cilët nuk kanë folur fare dhe nuk kanë qenë aktivë në diskutimin e çështjeve në kuvend.
Në raportin e publikuar nga ISP janë listuar dhe 17 deputetët “memecë”, të cilët s’e kanë hapur gojën në 7 muajt e fundit të Parlamentit.
Lista kryesohet nga deputeti i LSI-së Agron Çela, i dyti socialisti Bashkim Fino, Bujar Çela i PS-së, Dritan Bici i PDIU-së. I pesti në listën e deputetëve që s’kanë folur asnjë herë në Kuvend është Ilir Ndraxhi i PS-së, Ilir Xhankolli i PS-së, Jurgis Çyrbja i PS-së dhe Luan Harusha i PS-së .
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
